Капитенот на „Зборнаја“, крилото Тимур Дибиров и во иднина ќе биде дел од европскиот, регионалниот и македонскиот шампион Вардар. „Староседелцецот“ во редовите на нашиот миленик се реши да не ја менува средината и да остане верен на Вардар.
Тој во изјава за медиумите во Белорусија вели:
„Продолжувам да настапувам во РК Вардар. Јас го сакам овој клуб, го сакам овој град, и среќен сум што ќе играм овде и во иднина- потенцира Дибиров.
„Летачкиот русин“ потоа призна дека имал контактни со Мешков Брест, но се одлучил да остане во Јане Сандански.
„Со раководството на Мешков Брест сум во добри односи и честопати сум во контакт со нив, но сегашната ситуација во клубот е дека не му треба лево крило, а во исто време и јас сум под договор со Вардар -вели Дибиров.