Vardar Fans
Кадетите на РК Вардар 1961, вчера на домашен терен лесно и убедливо го совладаа тимот на РК Кузман Илинден. Црвено-црните момци дојдоа до победа со резултат 55-13.
Вардарци отворија со девет последователни голови во мрежата на ривалот, а не дозволивме ниту еден во нашата за почетни 9-0. До полувреме од минута во минута ја зголемувавме предноста која изнесуваше 23.гола за време на паузата. На одмор заминавме со резултат 27-04 на семафорот во салата „Круме Кепевски“ во наша корист.
Во вториот дел само продолживме со истиот ритам, тренерот на вардарци Зоран Петковски-Зенга им даде шанса на сите играчи од ростерот. Победата дојде со резултат 55-13 на оваа кадетска средба од групата-А.
Никола Нечовски беше прв стрелец со 10.гола, Петар Илиевски и Лука Најдовски успеаа да погодат во 7.наврати, тројца момци имаа „ 5ки“ зад своите имиња и тоа: Цветковски Алексеј, Томислав Стамеков и Матеј Новаковски.
