ЖРК Вардар максимален со 15.бода по 5.рунди, Овче Поле „лесен залак“, Миновска непогрешлива 8гола без промашување

Денес во малата сала при СЦ „Јане Сандански“ тимот на ЖРК Вардар во рамки на 6.коло од сезоната 2020/2021 ја пречека екипата на Овче Поле. Сосема очекувано во мечот во кој девојките на Ристова Драгана и Царчев Александар влегоа како убедливи фаворити дојдовме до победа со високи 40:19.

Дуелот започна со наша доминација и рано резултатско одлепување , ние се одлепивме на високи 6:0.  На одмор заминавме со двоцифрена предост за нас. Нашите дами водеа со 20-9 за време на паузата. Во вториот дел од минута во минута ја зголемувавме предноста. Па победата дојде со 21.гол повеќе, односно 40:19.

Миновска повторно беше најдобар стрелец со 8 гола, таа погодуваше со 100% ефикасност, од 8 удара имаше 8 гола. Јаковчевска постигна 6 гола колку и Дамјановска, Фани Ѓорѓиевска даде 5гола.

Трајкоска Јована повторно на ниво имаше 47% сопрени топки (7/15), а Илиќ имаше 42% (8/19).

Со победата над тимот од Свети Николе ние по 5.кола имаме максимални 15.бода, единствено 100% ефект во лигата имаат и Маталург и Куманово кои имаат одиграно едно коло повеќе.