Савевски со шест вардарки на поширокиот сениорски список

Селекторот на женската сениорска репрезентација, г-дин Љубомир Савевски го објавува поширокиот список на ракометарки за претстојните натпревари со репрезентацијата на Црна Гора во рамките на ЕХФ неделата за EHF EURO CUP 2022.  На истиот има место за шест вардарки.

За време на ЕХФ неделата сениорките ќе одиграат два натпревари против селекцијата на Црна Гора од EHF EURO CUP 2022. Првиот натпревар сениорките ќе го одиграат во Скопје на 07.10.2021 (четврток) во СЦ “Борис Трајковски” во 20:15 часот, а потоа на гости против Црна Гора на 10.10.2021 (недела).

На EHF EURO CUP 2022 ќе настапат репрезентациите на Македонија, Црна Гора, Словенија кои се организатори на WOMEN’S EHF EURO 2022, и репрезентацијата на Норвешка која е освојувач на WOMEN’S EHF EURO 2020.