Thursday ,28 March 2024
Последни:
Home > ЖРК Вардар > Четврто место за пионерките на РК Вардар, на турнирот во Хрватска
Четврто место за пионерките на РК Вардар, на турнирот во Хрватска

Четврто место за пионерките на РК Вардар, на турнирот во Хрватска

Четврто место за пионерките на РК Вардар на турнирот во Метковиќ, откако во малото финале беа минимално поразени од екипата на Будуќност со резултат 13:12.

Екипата од Подгорица подобро го отвори натпреварот кога поведе со 3:0 и 4:1, но Вардарки експресно одговорија со три последователни голови и за прв пат го израмнија резултатот на 4:4. Во следните минути, Будуќност беше тимот кој постојано беше во водство од 1-2 гола разлика, имаше противникот и највисоки 10:7 и 11:8. Сепак Вардар не помисли да се предаде и прави резултатски пресврт кога со серија од 0:4, за прв пат на натпреварот имаше предност од 11:12. Во тој момент бевме поблиску до победата, но Будуќност ги постигна последните два гола на мечот и на крајот минимално триумфира.

Мила Пешиќ беше најефикасна со 4 голови, додека по 2 постигна Бојана Коцева и Магдалена Тошевска. По еден беа дело на Борјана Коцева, Сара Стефаноска, Ана Мирчевска и Александра Коловска.

На целокупниот турнир, нашите пионерки одиграа шест натпревари, на кои остварија една победа, два нерешени резултати и три порази. Секако ова беше големо искуство и прв меѓународен предизвик за оваа нова генеарција на РК Вардар предводена од Анжела Платон, која ја сочинуваат ракометарки кои настапуваат во “Јуниор“ лигата и се заедно само нешто повеќе од два месеци.