Денеска започнуваат возбудувањата од новата сезона во ракометната Лига на шампиони во женска конкуренција. Вардарки оваа сезона се со драстично подобар тим од минатата, со неколку квалитетни засилувања од странство и од Македонија, шампионот тргнува во поход кон титулата.
Најголемо засилување за Вардар ова лето секако дека е Драгана Цвијиќ. Корпулентниот пикер од Црна Гора оваа сезона треба да биде главен адут во играта на Вардар, како во нападот така и во одбраната. Цвијиќ ја паметиме добро, во тимот на Будуќност настапуваше одлично цели шест сезони, најдобри партии во Црногорскиот првак прикажа во сезоната 2014-15 каде постигна 52 погодоци, што за еден кружен напаѓач е повеќе од солидно.
Како ќе се најде Драгана во новиот тим на Вардар, останува да видиме вечерва од 19 часот кога Вардар го пречекува тимот на ФТЦ Реил Карго.