ЖРК Вардар денес гостува кај Чаир, започнува младинската лига

Денес започнува женскиот младински ракометен шампионат, први оваа пролетна полусезона истиот ќе го отворат екипите на Чаир и ЖРК Вардар. Девојките на Ристова, Црвенковска и Царчев попладнево ќе гостуваат кај  истоимениот тим од скопската населба.

„Фенерџијата“, тимот на  ЖРК Чаир ќе не пречека во 17-00 часот во натпревар од 6.коло во младинската лига. По есенскиот дел тие се последно пласирани без бодови, ние сме фаворити на оваа средба и есенскиот дел го завршивме на позицијата број два. Во првиот меѓусебен натпревар во „Јане Сандански“ победивме со високи 48:20 (26:12).

Во другиот меч од ова 6.коло во петок Металург го пречекува тимот на РК Кузман во Автокоманда, а тимот на ЖРК Куманово е слободен.