Награди за вардарки! Ристовска прв стрелец, Лакрабер МВП во Купот на Македонија

Девојките  на ЖРК Вардар очекувано триумфираа  во финалето на Купот на Македонија и дојдоа до петтиот пехар во ова натпреваруање. Нашите девојки победија со ЖРК Металург, со 46:19  во нивната сала Автокоманда и покажаа дека се суверен владетел на Македонскиот ракомет.

По доделувањето на пехарот за Куп победникот  и преодниот пехар, беа доделени и индивидуалните награди. Признанието за  најдобар стрелец го доби вардарката  Сара Ристовска која постигна 24 голови. Таа имаше  17 погодоци  против Гевгелија и денес нови во финалето  7 против Металург. За најдобар голман беше прогласена Матеја Серафимова од сино-белите. Таа  имаше двоцифрен број интервенции и во полуфиналето и во финалето. Наградата за  МВП- најкорисен играч на финалниот меч и припадна на друга вардарка. Таа дојде во раце на  десниот бек на Вардар,  Французинката  Александра Лакрабер.