Познати ривалите на кадетките и младинките за ЕХФ шампионатите

Вчера во Виена, во седиштето на Европската ракометна федерација  се одржа ждрепката за Европските првенства и ЕХФ шампионатите за кадетки и младинки.

Македонската младинска женска репрезентација ќе биде домаќин на ЕХФ шампионатот и ја избра групата во која ќе игра. По натпреварите во групната фаза, прво и второпласираните играат полуфинале, а освојувачот на ЕХФ шампионатот обезбедува место на Светското првенство 2022 година.

 

ЕХФ Шампионат (У19) – Македонија (8-15 јули)

ГРУПА А: Исланд, Полска, Белорусија, Финска, Велика Британија
ГРУПА Б: Холандија, Фарски острови, Македонија, Косово, БиХ

Помладата црвено-жолта селекција, кадетската женска репрезентација на Македонија ќе настапува на ЕХФ шампионатот во Литванија. Истиот ќе се игра  во градот Клаипеда. По групната фаза ќе се играат натпреварите за пласман и полуфиналињата, а доколку Македонија се пласира во финалето, ќе обезбеди место и за кадетките и за младинките ранг погоре, на следното ЕП, како и на следното СП во кадетска конкуренција во 2022 година.

ЕХФ Шампионат (У17) – Литванија (7-15 август)

ГРУПА А: Шпанија,Литванија, Македонија, Финска, Косово, Велика Британија

ГРУПА Б: Исланд, Полска, Белорусија, Турција, Летонија.