Sunday ,22 May 2022
Последни:
Home > ЖРК Вардар > Џатевска најефикасна, Македонија загуби на пенали од Исланд
Џатевска најефикасна, Македонија загуби на пенали од Исланд

Џатевска најефикасна, Македонија загуби на пенали од Исланд

Македонија заврши на шесттото место на ЕХФ Шампионатот кој се одржува во Скопје. На последниот дуел за пласман, избраничките на Савевски загубија од репрезентацијата на Исланд, дури после изведување на пенали, откако натпреварот во регуларниот дел заврши со нерешен резултат 28:28.

Репрезентацијата на Исланд во најголем дел од натпреварот имаше предност, но нашите младинки ниту во еден момент не се откажаа од помислата да го победат противникот, иако во еден дел од натпреварот имаа и шест голови предност. Противникот подобро го отвори натпреварот кога направи серија од три гола и поведе со 4:1, долго време се одржуваше оваа разлика, се до последните пет минути од првиот дел, кога Македонија успеа да стигне и до израмнување. Сепак до крајот на првото полувреме, селекцијата на Исланд замина на одмор со позитива од три гола (13:16).

218773917_124898886477951_3996065460680037781_n

Сличен тек имаше и второто полувреме, долго време Исланд имаше контрола на играта и солидна предност од 3-6 голови. Македонија се обидуваше да се врати во натпреварот, тоа им успеа на крајот кога со пет голови во серија израмнија на 28:28, а последните два гола за нас ги постигна поранешната вардарка, Андреа Седлоска.

Со оглед дека се работеше за натпревар за пласман, победникот мораше да се решава со изведување на седмерци. Таму подобро се снајде Исланд кој победи со резултат 32:30.

219129605_124898909811282_7605730041796265361_n

Најефикасна на натпреварот беше ракометарката на Вардар, Ивана Џатевска, која постигна 6 голови, додека во листата на стрелци се запиша и Сара Миновска со два погодока.

218457191_124899459811227_88625291333979266_n