Гласајте за ракометарките на Вардар, во изборот за најдобри на Екс-Ју просторот

Јубилејна десетта година по ред, реномираниот портал “Балкан Хандбал“ прави избор на најдобра ракометарка, како и на најдобриот тим на Екс-Ју просторот за натпреварувачката сезона 2016-17. Новинарите на ракометниот портал “Балкан Хандбал“ направија номинација на најдобрите на своите позиции, а фановите ќе можат да ги дадат своите гласови.

На позицијата лево крило се номинирани Тамара Мавсар и Камила Херем кои беа дел од црвено-црниот дрес за сезоната која помина. Андреа Пенезиќ ќе се бори за признанието, најдобар лев бек, додека на среден бек во изборот се најде Андреа Лекиќ. Две ракометарки на Вардар ќе конкурираат на позицијата десен бек, а се работи за Барбара Лазовиќ и Александра Лакрабер. На десно крило можете да гласате за Јованка Радичевиќ, додека на позицијата пикер се наоѓаат Алтхаус која во новата сезона нема да биде лд онашиот состав и новото засилување, Драгана Цвијиќ. На позицијата голман, во изборот се наоѓаат голманките на Вардар, се работи за Ина Суслина и Амандин Лејно. Ова е линкот каде можете да гласате за ракометарките на Вардар.

Во изборот  за најдобра ракометарка на Екс-Ју просторот, се наоѓаат дури три ракометарки на Вардар. Тоа се Андреа Лекиќ, Јованка Радичевиќ и Андреа Пенезиќ, за кои можете да гласате на линкот ТУКА.