Градот Охрид домаќин на завршниот турнир во женската кадетска лига, Вардар СЦЈС во борба за трофејот

Градот Охрид ќе биде домаќин на завршниот турнир на четирите најдобри екипи во женската кадетска лига. Истиот ќе биде одигран во недела, на кој ќе настапуваат и кадетките на Вардар СЦЈС. Металург, Куманово, како и домашниот тим на Лихнид 2012 се другите екипи кои ќе се борат за шампионскиот трофеј во оваа генерација за девојчиња родени “2000“ година и помали. Во полуфиналето избраничките на Платон и Кузмановска за противник ќе го имаат тимот на Куманово, додека другата двојка ја сочинуваат Металург и Лихнид.

Распоред на натпревари (02.04.2017):
(Полуфинале, 11:00) Металург – Лихнид 2012
(Полуфинале, 12:45) Куманово – Вардар СЦЈС
(Натпревар за 3 место, 18:00)
(Финале, 19:45).

Екипата на Вардар СЦЈС заврши како првопласирана во групата 2, со 27 освоени бодови, исто колку што имаше и екипата на Лихнид. Токму од овој противник го доживеавме и единствениот пораз во регуларниот дел од сезоната. Малку фалеше и нашата втора кадетска екипа, која беше помала генерација да се најде на завршниот турнир. Сепак во последното коло против Куманово, иако триумфиравме (30:26), ни беше потрбна победа од седум голови разлика. Ова се сите постигнати резултати за кадетките на Вардар СЦЈС во својата група:

1 коло: Вардар СЦЈС – Стружанка  25:11

2 коло: Пелистер – Вардар СЦЈС 21:34

3 коло: Вардар СЦЈС – Преспа  40:17

4 коло: Вардар СЦЈС – Лихнид  20:16

5 коло: Кичево 10 – Вардар СЦЈС  18:31

6 коло: Стружанка - Вардар СЦЈС 18:23

7 коло: Вардар СЦЈС – Пелистер 41:14

8 коло: Преспа - Вардар СЦЈС  17:38

9 коло: Лихнид 2012 – Вардар СЦЈС  26:22

10 коло: Вардар СЦЈС – Кичево 10   40:13