ЖРК Вардар не обезбеди финале на младинскиот завршен турнир во Куманово, бевме поразени од домаќинот со 27-26, со пресврт во дуел во кој перманентно водевме.
Натпреварот во салата „Перо Наков“ започна со наше водство од два гола, ние поведовме со 1-3 на стартот. Куманово се обидуваше да фати приклучок, беа постојано блиску па во последнте 10.минути од полувремето влеговме само со минимална позитива од еден гол, 9-10. Успеавме да врземе два гола Стефаноска и Миновска погодија па поведовме веќе во 22.минута со комотни три гола, 9-12 и полека почнавме да го контолираме дуелот. Во 27.минута прв пат поведовме и со четири гола (10-14) непогрешлива од линијата од 7.метра беше пикерот Дамјаноска Катерина. Со серија 3-1 домаќинот ја преполови нашата предност и на одмор заминавме само два позитива, односно со резултат 13-15 за црвено-црните младинки.
Одлично го отворивме вториот дел, имавме подобра игра од ривалот, противникот неможеше да ни се спортистави на стартот. Успеавме да отидеме на пет гола позитива, 19-24 во 41.минута со голот на Радевска Бојана од крило. Како да неможеме без драми, им дозволивме со серија 5-1 да дојдат на 24-25 и да имаат напад за реми, среќа за нас беше што на голот Трајкоска Јована фантастично одбрани, тоа во напад го награди Стефаноска Сара и дојдовме до 24-26, воедно избегнавме изедначување на 8.минути до крајот. Дозволивме пад и изедначување 26-26, така завршија 60.минути и остана за изведување удар од 9.метра на домаќинот. Несватливо примивме гол и бевме поразени со 27-26.
Дамјаноска имаше 5 гола, Костовиќ и Коцева Бојана дадоа по 4.погодока. Трајкоска имаше 8.одбрани.