Вардарки преку Гевгелија ќе атакуваат на петтиот трофеј од купот на Македонија

Познати се полуфиналните двојки од националниот куп во женска конкуренција. Домаќин на завршниот турнир ќе биде екипата на Металург и спортската сала во населбата Автокоманда. Денес во просториите на ракометната федерација на Македонија беа извлечени полуфиналните двојки, а нив ги сочинуваат Вардар – Гевгелија и Прилеп против Металург. Вардарки го бранат трофејот од минатата сезона во ова натпреварување.

Ова ќе биде 25-то издание на купот на Македонија, а 24-тото кое го освои Вардар исто така се играше во Автокоманда, а во големото финале Вардар убедливо го совлада Металург, со резултат 39:21. Тоа за црвено-црните беше трет последователен трофеј во купот, а вкупно четврти во историјата на клубот. На 19 и 20-ви мај ќе имаме можност за петтиот трофеј од ова натпреварување.