Во големата сала при спортскиот центар “Јане Сандански“-Скопје се одигра дуел кај девојките родени 2004 и 2005 година. Во овој меч од осмото коло од ракометната Вардар Јуниор лига кај дамите се сретнаа екипите на РК Општина Кисела Вода Вардар и РК Вардар ДБ од Кавадарци. Tриумфираа во еден интересен дуел девојките од Скопје.
Први со гол мечот го отворија девојките на Кавадарци тие поведоа со 0-1 на почетокот. Следуваа неефикасни минути негде на крајот од првата третита од првиот дел кој се игра по 15 минути кај оваа категорија Вардар ДБ зголеми на 0-2. Скопјанки успеаа да намалат во продолжение на 1-2 и да внесат неизвесност. Повторно кавадарчанки отидоа на “плус два“ односно 1-3 некаде на средината од првиот период. Вториот период од полувремето целосно му припадна на тимот на Кисела Вода кој заигра поангажирано во одбраната и со серија 3-1 мечот на одмор го однесе со реми. На семафорот во големата сала “Јане Сандански“ на одморт стоеше 4-4.
Вториот дел со погодок го отворија девојките од Кавадарци кој со нивниот прв гол во вториот дел кој потоа ќе се покаже како последен поведоа со 4-5. Вториот дел изобилуваше со неефикасност на двете страни и многу малку голови. Кисела Вода изедначи на 5-5 на две минути пред крај внесувајќи неизвесност околу тоа кој ќе ги собере бодовите или истите ќе бидат поделени на овој дуел кај девојките. На 100 секунди до крајот пенал доби Кисела Вода кој Сара Трпчевска го претвори во гол за 6-5. Со овој резултат заврши мечот. Кај победникот Ана Марија Мирчовска имаше 3 гола, а Сара Трпчевска два и тоа од 7 метра. Кај поразените прв стрелец беше Благица Јованова со три гола.