Vardar Fans
Од гостување нашата кадетска екипа на ЖРК Вардар се враќаат со победа. Тие гостуваа во Делчево каде одиграа меч во кој победија минимално 25-24 против тимот на РК Делчево Вардар. Тие со ова го забележаа својот втор триумф сезонава, во ова третото коло на кадетската лига.
Ние први со гол го отворивме овој кадетски дуел, а во следната акција домаќинките веднаш возвратија. Потоа правиме одлична серија 1-5, откако заигруваме цврсто и енергично во одбраната, и казнуваме со лесни погодоци поведувајќи со 2-6 на негде средината од првиот дел. Ова предност ја одржававме целото прво полувреме водевме најчесто со четити гола. Докрајот од првиот дел во Делчево се постигнаа еднаков број на голови во двете мрежи , во головите на Делчево и Вардар имаше по шест прецизни удари. На одмор се замина со резултат 8-12 за црвено-црните.
Вториот дел почна со наш погодок за 8-13 тога беше најголемото наше водство “плус пет“ дотогаш на средбата , со овој гол првпат стигнавме до таа бројка. Домаќинките заиграа поефикасно и нашата предност полека ја топеја без некој посебни серии, успеаа да ублажат на половина од вториот дел на 15-17. Се играше со оваа разлика се до финишот во кој се влезе со резултат 22-24. По наш нереализиран напад домаќинките погодуваат за 23-24 и првпат се доближуваат на минус еден после 3 минута кога имавме 1-2. Сепак нашите девојки избраничките на Пецевска успеаа во следниот напад да зголемат на 23-25. До крајот делчевски имаа шанса само да намалат на 24-25 , резултат со кој се заврши мечот.
ЖРК Вардар: Трајковска, Гроздановска 5, Арсова, Дамјановска 1, Крстевска, Гонзалез, Ѓоргиевска 3, Донева 3, Петковска 1, Станчева, Насковска, Костовиќ 3, Миновска 2, Саздовска 3, Јаковчевска, Талевска 4.
