КУП: Трите поединечни награди во рацете на македонските репрезентативки од ЖРК Вардар, Мицевска, Керамичева и Ристовска

Денес, во “Јане Сандански“,  ЖРК Вардар ја одбрани и втората домашна титула. Девојките на Дибирова и Парондо по успехот и одбраната на титулата во домашното првенство, во финалето  со победата над Металург 46-24 (19-12), го подигнаа и шестиот Куп трофеј.

По крајот на натпреварот беа прогласени најдобрите на Ф4 турнирот во Купот на Република Македонија. Сите награди заминаа кај македонските репрезентативки во црвено-црниот табор.  Јована Мицевска од Вардар е прогласена за најдобар голман на Ф4 турнирот. Теодора Керамичева е најдобар стрелец на Ф4 турнирот, а пак Сара Ристовска е МВП на Купот на Македонија.