Thursday ,09 December 2021
Последни:
Home > ЖРК Вардар > Лавиците го „нанижаа“ и Ѓорче на својата победничка листа
Лавиците го „нанижаа“ и Ѓорче на својата победничка листа

Лавиците го „нанижаа“ и Ѓорче на својата победничка листа

 Кадетскиот тим на ЖРК Вардар  денес го одигра и вториот дуел  во групата-Г од квалификацискиот турнир за Ф-4 во кадетската лига. Нова победа за избраничките на Платон Анжела и Марија Папуџиева, по вчерашниот триумф над  гостиварска Јехона, денес „падна“ и екипата на Ѓорче Петров-ЖРК. 

fb_img_1624186356305

Противникот отвори со погодок за водство со 0-1, тоа беше нивно прво воедно и последно водство на оваа средба. На нашиот гол Вероника Ѓорѓиевска врза две одбрани, во напад Коцева Борјана со два гола направи пресврт и поведовме со 2-1. Веќе во осмата минута водевме со четири плус (5-1) по голот на Нина Попова од пенал. На средината од полувремето имавме седум гола повеќе (10-3), стрелец на 10тиот погодок за нас беше Коцева Бојана. Противникот со мини серија (1-3) се врати во средбата и намали на 11-6. Вардарки повторно дикираа темпо и на 2.минути до крајот на овој период имаа двојно повеќе погодоци, Мила Крагељ стрелаше за 14-7. На одмор заминавме со резултат 16-8.

fb_img_1624186362397 fb_img_1624186353683

Вториот дел на мечот кој се играше во сала „Х.Батанџиев“ во н.м Волково, беше далеку понеефикасен од првиот. По 7.минути игра двата тима имаа по три погодоци во противничката мрежа, разликата беше истата од полувремето. На семафорот стоеше 19-11 по голот на капитенот Коловска Александра. Во текот на целиот натпревар Платон и Папуџиева ротираа со играчите добија прилика сите девојки. Дуелот го добивме со 9.гола предност, крајниот резултат беше 25-16, истиот го постигна од пенал Равојска Јана во последните секудни од натпреварот.

fb_img_1624186348403 fb_img_1624186345204 fb_img_1624186339011 fb_img_1624186335748 fb_img_1624186332770 fb_img_1624186329965

 

Прв стрелец за нас беше Коцева Бојана со 5.гола, по три погодока имаа: Ива Ангеловска и Коцева Борјана.

fb_img_1624186351179

За пласман на завршницата  на „Лавиците“ клучен ни е попладневниот натпревар,  против екипата која има идентичен скор како и нас, тимот на РК  Аеродром во истата сала со почеток во 17:00 часот