Една од најдобрите, Амандин Лејно го продолжи договорот со Вардар на уште две години

Сигурно една од најдобрите во екипата на ЖРК Вардар во последниве три сезони, Амандин Лејно го продолжи дговорот со клубот. Таа ќе остане во Вардар уште најмалку две сезони според новиот договор. Ова е за неа четврта сезона во црвено-црниот дрес, откако дојде од екипата на Валчеа од Романија. Со Вардарки три пати ја освојува бронзата во лигата на шампионите и двојната круна во домашните натпреварувања. Ова е добра вест и за навивачите, на кои Лејно е голем миленик.

Претходно договорите со клубот ги продолжија Лазовиќ, Лекиќ, Пенезиќ, Хмирова, Кликовац и Лакрабер.