Tuesday ,16 October 2018
Последни:
Home > ЖРК Вардар > Амандин Лејно од следната сезона ќе брани за Ѓер
Амандин Лејно од следната сезона ќе брани за Ѓер

Амандин Лејно од следната сезона ќе брани за Ѓер

Голманката на ЖРК Вардар и репрезентативка на Франција, Амандин Лејно од следната сезона ќе ја гледаме на голот на Ѓер. После пет сезони поминати во црвено-црниот дрес, Лејно се реши кариерата  да ја продолжи во Унгарија и тоа во најдобриот клуб во оваа земја, кој наназад години е во врвот на Европскиот ракомет. Taa со новиот клуб потпиша договор на една сезона, со можност истиот да биде продолжен на уште една година.

-Овој клуб ми значи многу бидејќи е најдобриот во историјата. Секој сонува да настапувa покрај вакви соиграчи. Ми се укажа голема шанса и среќна сум што ќе бидам дел од Ѓер, истакна Лејно за официјалниот сајт на Ѓер.

Лејно ќе се обиде во последниве четири месеци, колку и ќе биде дел од Вардар да дојде до посакуваната Европска титула, тоа не и успеваше во изминатите четири години, па се надеваме дека оваа сезона ќе и биде среќна и на најдобар можен начин ќе се прости од клубот.