Лекиќ на операција во Финска

Андреа Лекиќ ќе мора да оди на операција на тетивата. Лекиќ се повреди на натпреварот од 1/2 финалето од Лигата на шампионките против Букурешт. Поради оваа повреда средниот бек на ЖРК Вардар го пропушти и натпреварот за третото место, во кое нашите девојки издвојуваа победи и го освоија повторно третото место во Европа.

Операцијата на Лекиќ ќе биде во вторник, во државата Финска, во клиниката „Хоспитал Нео“ во Турку. Ова значи дека сезона за Лекиќ е завршена и ја очекуваме уште по добра во наредната сезона.
Докторот на ЖРК Вардар Зоран Ханџиски за официјалната страна на клубот го изјави следното:

  „Андреа веќе некое време има проблем со тетивата на десната нога и затоа со заеднички договор и консултации решивме дека ова е најпогоден момент да се реши тој проблем. Таа в понеделник ќе пристигне во Финска, а во вторник ќе биде оперирана од еден од најдобрите европски специјалисти за тетиви. Потоа ќе се врати и ќе го почнеме потребниот процес на рехабилитација. Се надеваме дека до почетокот на идната сезона таа ќе дојде до потполна тренажна форма“, изјави доктор Зоран Ханџиски.