Вардар лесно на младинското гостување кај РК Спартак, Стефаноска се врати во голем стил

Младинките на ЖРК Вардар ја оправдаа фаворитската улога на гостувањето кај тимот на РК Спартак. Избраничките на Драгана Ристова и Александар Царчев денес во салата „Круме Кепески“ како гости дојдоа до висока победа со резултат 26-40.

Првиот дел започна релативно изедначено, домашниот тим парираше се до резултат 6-7. Потоа беше период во кој ние ја започнавме нашата игра и од минута во минута ја подобрувавме предноста. На одмор помеѓу двата периода заминавме со пет гола повеќе, односно со резултат 14-19.
Вториот период започна целосно во наш знак, за кратко отидовме на двоцифрена предност кога поведовме со 10 гола при резултат 16-26. Се до крајот беше извесно освен едно, разликата со која ние ќе дојдеме до победа на оваа младинска средба. Победата во ова 5.коло од младинската група-А дојде со 14.гола повеќе, односно со резултат 26-40.

Кај нас први стрелеци беа имењачките, Сара Стефаноска и Миновска со по 7 гола, гол помалце имаше Катерина Дамјаноска, а пак со 5.гола дуелот го завршија Михаела Стојановска и Бојана Радевска. 
Јована Трајкоска сопре 8.топки, другиот голман Вероника Ѓорѓиевска сопре 5.топки и постигна еден гол, таа и во сениорскста лига исто така има погодок.