Финишираше второто издание на турнирот “Вардар, еден живот, една љубов“ кој изминатиов период се играше во четири сали во Скопје. Во генерација родени 1998/99 година во женска конкуренција, првото место го освоија младинките на Жрк Вардар. Нашите девојки во финалето беа далеку подобри од екипата Ѓорче Петров, со конечен резултат од 20:13. Претходно беа забележани уште две победи.
-Сметам дека турнирот на кој си ги одмеривме силите со останатите екипи беше одлична можност да го покажеме тоа што го знаеме и тоа што го вежбавме на тренинзите. Овој турнир е од големо значење за нас и благодарение на добрата организација и атмосфера ни дозволи повторно да го почуствуваме натпревавучкиот дух, кои го носат турнирите и да се радуваме на нашата победа. Овие три дена ме мотивираа да работам повеќе и да продолжам да го давам својот максимум за успехот на екипата.Во иднина се надевам на многу турнири од овој тип.Сите се трудевме максимално и сметам дека трудот се исплатеше. Ова е успех на целата екипа и горда сум на тоа.
Јована Мицевска го повтори успехот од минатата година, кога беше избрана за најдобар голман на овој турнир.
-Наградата е од големо значење за мене и истата ми дава мотив да работам уште повеќе и среќна сум поради истата. Би сакала да ја искажам мојата благодарност до мојот тренер Александар Царчев, со кој работам напорно и оваа награда ја делам со него, изјави Јована Мицевска за Вардар Фанс.
Звонко Ивановски