Vardar Fans
Вардар СЦЈС утре ги продолжува натпреварите во женската ракометна лига. Нашите девојки предводени од Симе Симовски ќе гостуваат во Куманово кај тимот на ЖРК Куманово.
Ова ќе биде натпревар во рамките на 15 првенствено коло. Вардарки се наоѓаат на втората позиција на табелата со 12 победи и два порази, нашиот утрешен противник се наоѓа на треттата позиција на табелата со учинок од 10 победи и 4 порази. Во првиот меѓусебен дуел сезонава во Скопје во малата сала при С.Ц “Јане Сандански“, вардарки ги победија кумановчанки. На полувреме нашите девојки губеа со 10:13, сепак на крајот победија со 30:23.
Овој натпревар ќе започне во 19 часот.
