Wednesday ,12 December 2018
Последни:
Home > ЖРК Вардар > Втор тим > Вардар Јуниор триумфираше в гости кај Куманово, серијата добри мечеви ни носи прилика за вице-шампионска позиција
Вардар Јуниор триумфираше в гости кај Куманово, серијата добри мечеви ни носи прилика за вице-шампионска позиција

Вардар Јуниор триумфираше в гости кај Куманово, серијата добри мечеви ни носи прилика за вице-шампионска позиција

Избраничките на Симе Симовски, девојките од Вардар Јуниор гостуваа кај екипата на ЖРК  Куманово во рамки на женската супер лига. Во овој меч   Вардар јуниор победи со 28-26 (14-11) и се врати во игра за второто место на табелата,  имаме 33 бода, исто колку и Куманово и моментно сме на делба на второто место.

На почетокот домашните играчи поведоа со 3-1 надевајќи се  на добар натпревар. Ние потоа   имавме серија од 5-0 со која  поведовме со 6-3, тоа не беше се  туку продолживме да ја одржуваме разликата и да зголемиме и неколкупати на „плус 4″ во првото полувреме.  На полувреме заминавме со предност од 14-11, предност која ни даваше големи шанси за победа во вторите 30.минути.

Во вториот дел нашиот Вардар јуниор продолжи да погодува  и  разликата се зголеми на „плус 5″ за водство 18-13. Сепак домаќинот тимот на ЖРК Куманово не се откажуваше, тие направија големи напори да се вратат во игра и намалија на  само еден гол негатива, 20-21. За среќа ние бевме сконцетрирани, потоа Вардар јуниор повторно се одлепи, со серија 4-1  овојпат отидовме на 25-21 како најава за мирна завршница. Домаќинот до  крајот немаше прилика да ни се доближи, ние победивме со  заслужени 28-26. Во следното коло на 15 март, младиот тим на  Вардар јуниор е домаќин на Деспина.

Најефикасни во нашиот состав беа Мирјана Петковска и Сашка Филипоска кои постигнаа по 5 голови.

Куманово – Вардар јуниор 26-28 (11-14)
ВАРДАР ЈУНИОР: Илиќ, М. Николовска, А.Николовска 4, Петковска 5, Карчева, Стефановска, Кицеска, Вељановска, Галевска, Трпевска 1, Костовиќ, Диневска 1, Божиноска 4, Филипоска 5, Иванова 4, Николиќ 4.