Wednesday ,14 November 2018
Последни:
Home > ЖРК Вардар > Нова, рутинска победа за кадетките на Вардар, во С.Ц. Јане Сандански убедливо совладан Лихнид
Нова, рутинска победа за кадетките на Вардар, во С.Ц. Јане Сандански убедливо совладан Лихнид

Нова, рутинска победа за кадетките на Вардар, во С.Ц. Јане Сандански убедливо совладан Лихнид

Кадетките на ракометниот клуб Вардар забележаа нова победа во рамките на групата 2 од кадетската лига. Во големата сала на С.Ц. Јане Сандански, избраничките на Платон и Папуџиева убедливо ја совладаа екипата на Лихнид со резултат 35:23.

3

На овој натпревар кој помина во доминација на вардаровите девојки видовме само едно израмнување и тоа на почетокот откако Вардар прв го отвори резултатот преку Магдалена Тошевска , врати гостинскиот тим во својот прв напад за израмнување на 1:1. Од тој момент па се до крајот на натпреварот, избраничките на Платон не дозволија ниту во еден момент да ја испуштат предноста, а во 5.минута за прв пат имаа водство од два гола разлика (3:1) откако од пенал погоди Мила Пешиќ.

1

Од минута во минута растеше нашата предноста, која на полувреме достигна и до двоцифрена разлика. Со погодоците на Колевска и Коцева,Вардар во 11 минута имаше предност од четири гола (6:2). Одлична на голот беше и Вероника Ѓорѓиевска, која во првиот дел имаше 6 успешни интервенции. Одржувавме силно темпо, а таквата игра ни носеше зголемување на водството. Во серија погодувавме преку Коловска и сестрите Бојана и Борјана Коцева, за во 21 минута од мечот да имаме висока предност од 13:5. За прв пат на мечот имавме и двоцифрена разлика, кога со нов гол на Бојана Коцева поведовме со 16:6. На голот застана и Леа Христоска која ја замени Ѓорѓиевска и веднаш стина до својата прва одбрана.Во последните три минути од првиот дел успеавме да ја зголемиме предноста и на одмор од десеттина минути да заминеме со резултат 18:7 за Вардар.

5

На голот на Вардар остана Христоска која веќе стигна до три успешни интервенции, додека нејзините соиграчки продолжија да ја зголемуваат позитивата, па со погодоците на Ангеловска и Колевска веќе имавме високи 23:8 на семафорот во С.Ц. Јане Сандански. Во брз контра-напад нов гол за Ива Ангеловска, со кој стигнавме до највисоки 16 голови разлика (27:11). За прв пат на натпреварот во серија влезе и Лихнид од 0:3 за да намали на 27:14, а со гол за Вардар ја прекина Бојана Коцева. Тренерот Платон им даде шанса за игра на сите ракометарки кои денес беа на располагање. На голот застана и Ана Мирческа која забележа одбрана. Рутински последни десет минути за Вардар, кои на крајот забележуваат победа со резултат 35:23.

2

Ова беше вкупно петта победа за Вардар, кои имаат уште и по еден нерешен резултат и пораз. Следниот викенд, кадетките на Вардар ќе го одиграат и последното коло во есенскиот дел на сезоната, каде гостуваме на екипата на Илинден Вардар.

Најефикасни на денешниот дуел беше Бојана Коцева која постигна 8 голови, додека Александра Коловска додаде 6. На голот, Ѓорѓиевска имаше 6 одбрани, Христоска 7, додека Мирческа 2.

Вардар: Ѓорѓиевска, Андовска, Крагељ 2, Равољска 1, Мирческа, Коловска 6, Трајковска, Христоска, Борјана Коцева 2, Тошевска 1, Ангеловска 4, Максимовска 2, Миланова 2, Пешиќ 5, Радевска 2, Бојана Коцева 8.