Повредата на Пенезиќ не е сериозна и таа ќе биде подготвена за мечот против Турингер

Левиот бек на ЖРК Вардар, Андреа Пенезиќ ќе се врати на тренинзите на својот тим, откако се увиде дека повредата здобиена на натпреварот со Мец не е од посериозен карактер. Таа предвреме го напушти теренот, откако го повреди бутниот мускул. Тоа за момент изгледаше загрижувачко, но сепак Вардаровите навивачи можат да здивнат, бидејќи не е ништо сериозно.

Пенезиќ е најдобар стрелец на Вардарки оваа сезона, па нејзиното присуство на теренот е многу важно за составот на Давид Дејвис. Денес се очекува да тренира со екипата и да се подготвува за неделниот натпревар против екипата на Турингер, кој се игра во Германија.