Пенезиќ и Човиќ со победа го завршија подготвителниот период, пред настапот на ЕП во Шведска

Женската ракоемтна репрезентација на Хрватска после двете победи против Црна Гора имаше уште успешен тест пред заминувањето во Шведска, каде ќе биде дел од европското првенство кое стартува во недела. За разлика од претходните мечеви, на овој контролен натпревар против Јапонија кој беше последен, во составот на Хрватска се најдоа и двете ракометарки на Вардар, Андреа Пенезиќ и Андреа Човиќ. Хрватска славеше во дуелот со Јапонија со резултат 29:26.

Долго време Јапонките одржуваа резултатска неизвесност, каде во најголем дел од прото полувреме се играше израмнето со гол за гол на двете страни. Во последните десет минути од вториот дел, Хрватска започна да се одлепува и преднсота од два гола до крајот на првото полувреме ја зголеми, кога на одмор се замина со резултат 17:12.

Сепак во вториот дел дојде до израз квалитетот на Хрватска, која во 45 минута имаше највисоки осум голови предност (25:17). До крајот на мечот, селекторот Мрѓен им даде шанса за настап на сите ракометарки, падна малку темпото на игра, но сепак на крајот Хрватска славеше со резултат 29:26. Пенезиќ беше стрелец на четири голови, додека еден постигна Човиќ.

Првиот натпревар на ЕП, Хрватска ќе го одигра на 5-ти декември против селекцијата на Русија.