Победа и пораз за РК Кастратовиќ, во дуелите со екипите на Академија, во “Јуниор“ лигата генер. “2002/03

Во спортскиот ракометен центар Кале, викендов продолжија натпреварите во ракометната “Јуниор“ лига. Во оваа сала се играа натпревари, во конкуренција на девојчиња, во неколку различни возрасни генерации. Екипата на РК Кастратовиќ забележа една победа и пораз во дуелите со екипите на Академија.

Во првиот натпревар, во генерација родени 2002/03 година, РК Кастратовиќ- Вардар 2002 беше поуспешна од екипата на Акдемија 2. Конечниот резултат на овој дуел гласеше 24:21. Во првите пет минути од натпреварот резултатот беше израмнет (3:3), по што екипата на РК Кастратовиќ успеа да поведе со 6:4, што беше прва предност за некоја од двете екипи со повеќе од еден гол разлика. Како одминуваше првото полувреме, РК Кастратовиќ беше се подобар и постепено, но сигурно го зголемуваше водството, во еден момент имаше и највисоки пет голови разлика 12:7. До крајот на првиот дел, Академија 2 успеа да намали на 14:10, резултат кој беше актуелен по првото полувреме.

Решавачкиот чекор кон победата, екипата на Кастратовиќ го прави кога на стартот на вториот дел успева да направи серија од 3:0 и да поведе со највисоки 17:10, што беше голема предност во тие моменти од играта. Сепак тимот на Академија 2 не се предаде, па при резултат 18:12 постигнува четири последователни гола за да намали на само два гола негатива 18:16. Како се ближеше финишот на овој меч, така стануваше се поинтересно, Рк Кастратовиќ од добиен меч, се доведе во драматичен финиш. Се случи и треттото израмнување на дуелот, откако Академија 2 погодува за 21:21. Сепак како да немаа повеќе сили з нешто повеќе. Крајниот удар го зададе РК Кастратовиќ која ги постигна последните три гола и успеа да слави со конечни 24:21.

Во истава возрасна генерација се одигра меч, помеѓу екипите на РК Кастратовиќ-Вардар 2003 и екипата на Академија 1. На овој натпревар поуспешна беше Академија 1, која одлично го отвори натпреварот и имаше водство од 1:4. Оваа предност ја зачуваа до крајот на првото полувреме, кога на краток одмор се замина со резултат 3:7.

Победникот на овој дуел беше познат уште по првите минути од вториот дел, кога тимот на Академија 1 успеа да направи серија од 0:4 и да се одлепи на највисоки 3:11. Во еден момент имаа можност и да стигнат до двоцифрена предност, откако имаа водство од 5:14. До крајот на мечот, екипата на РК Кастратовиќ успеа да направи серија од 4:1, што беше доволно само за намалување на резултатот на 9:15.