Денес во салата “Кале“ се одигра 2.коло во младинската женска лига, во “вардаровиот дуел“ се сретнаа младинките на Вардар Јуниор и екипата на Кузман Вардар. Девојките на Вардар Јуниор во натпревар во кој целосно доминираа на теренот дојдоа до победа со резултат 31-14 (18-8).
Први со гол натпреварот го отворија девојките на Кузман Вардар кои поведоа со 0-1, тие потоа имаа водство и од 1-2. Следеше серија од 5-0 на црвено-црните избранички на Драгана Пецевска со која поведоа со 6-2 на овој дуел. Следеше период во кој двата тима постигнаа по два гола, предноста беше “четири плус“ и понатака, односно резултатот на семафорот беше 8-4. Повторно следеа минути во кои од минута во минута го зголемувавме водството на две минути до крајот првпат поведовме со двоцифрена предност, 17-7. До крајот на првиот дел двата колектива постигнаа по еден гол и на одмор на семафорот во спортско рекреативниот центар “Кале“ стоеше резултатот 18-8 во корист на младинките на ЖРК Вардар Јуниор.
Вториот дел со два последователни гола го отворија девојките предводени од Александар Савов, тие го намалија нашето водство на 18-10 по само 2.минути игра во вториот период од овој младински дуел. Нашите девојки направија серија 4-0 и отидоа на највисоки дотогаш “12 плус“ односно 22-10. Ние целосно го контолиравме овој натпревар, тренерот Пецевска во игра ги внесе и играчите од клупата сето тоа донесе до освежување и засилување на ритамот. Од минута во минута нашата предност константно раснеше таа на крајот од дуелот дојде и до 17 гола предност. Младинките на Вардар Јуниор триумфираа со високи 31-14 на крајот од дуелот. На овој тренерот на Вардар им даде прилика на трите голманки Симона Грујовска која го почна натпреварот, Трајковска Јована и Станчевска Ивана, сите одбранија одлично на овој натпревар.
Кај нас Петковска Марјана и Миновска Сара беа најефикасни со 5 погодоци, по 4 гола имаа Седлоска Андреа и Галевска Марија, а три пати успешно стрелаа Костиќ Ангела, Наскоска Магдалена и Ѓорѓиевка Стефанија.