Vardar Fans
ЖРК Вардар денес се сретна со тимот на ЖРК Бор Зијан Коппер на вториот ден од меѓународниот турнир “Ѓорче Куп 2022“. Девојките на Царчев дојдоа до победа со резултат 32-27.
Тимот на Бор имаше предност на почетокот, србинките поведоа со 5-3, ние ја подобривме играта и успеавме да изедначиме на 7-7 во 9.минута со одличниот гол на Борјана Коцева која мина крај два чувара во нејзин стил. Беше реми до 22.минута (11-11) кога ние поведовме со ударот на Тошевска Магдалена од 10.метра која погоди атрактивно за 12-11. Успеавме да ја сочуваме предноста и на одмор заминавме со 17-16.
Во второт дел по 3.минути игра веќе водевме со три плус (19-16) по погодениот пенал на Трпевска. Ние ја преземавме иницијативата, од минута во минута ја зголемувавме предноста. Успеавме да победиме со високи пет гола предност, односно со резултат 32-27. Ова е прва победа за Царчев како предводник на црвено-црниот тим.
Магдалена Тошевска ја оправда довербата на Царчев и беше прв стрелец со 7 гола, младата Сара Стефаноска погоди 5/5 и тоа се во вториот дел, по 4гола имаа Бојана Коцева, Трпевска Ивона и Наталија Макимовска, а Коцева Борјана стрелаше три пати. Илиќ сопре 12.топки, Трајкоска сопре еден удар. Ѓорѓиевска фати пенал.
Видео од целиот натпревар може да погледнете ОВДЕ!
