Кадетките го совладаа Чаир во гости, Шехтанска со 15.гола

Кадетките на ЖРК Вардар, вчера гостуваа кај тимот на Чаир. Девојките на Платон и Папуџиева победија со високи 31-43.

Започна со по еден погодок за почетни, 1-1. Се играше рамноправно се до 5-5, потоа следеа наши минути. Со серија 1-5 црвено-црните дами поведоа со четири плус при резултата 6-10. Бевме подобар противник и на одмор заминавме со седум позитива, за време на паузата беше 12-19 за нас.

Со игра гол за гол во вториот дел ја одржувавме предноста од седум гола се до некаде на средината на вториот дел, резултатот беше 23-30. Во финишот успеавме да отиде на двоцифрена предност, победивме со 12 повеќе. Триумфот дојде со 31-43.

Шехтананска Ангела даде неверојатни 15.гола, Миленковска Леона беше втор стрелец со 13.гола, Николова Ива погоди 9.пати.