Познати противниците за ЖРК Вардар, во новоформираната група, следен натпревар против тимот на Мец

Вардарки со максимални 12 освоени бодови ја завршија првата групна фаза, на првото место на табелата о групата Ц од лигата на шампионите. Во два наврати беа совладани екипите на Турингер, ФТЦ Будимпешта и Ларвик. На тој начин пренесуваме исто така максимални 8 бодови во следната рунда, во која ни се приклучуваат првите три пласирани екипи од групата Д. Тоа се тимовите на Будуќност, Мец и Битигхајм. Мец и Будуќност се познати за нашиот шампион, со кој сме играле и претходните сезони, додека претставникот од Германија е “анонимен“ за Вардарки и дополнително ќе треба да се анализира овој противник. Првиот натпревар во новоформираната група треба да го одиграме во периодот од 26-28-ми јануари следната година, на домашен терен против екипата на Мец.

Распоред на натпревари на Вардар во Главна Фаза:

1. коло: (26-28.01.2018) Вардар – Мец

2. коло: (02-04.02.2018) Битигхајм – Вардар

3. коло: (09-11.02.2018) Вардар – Будуќност

4. коло: (23-25.02.2018) Мец – Вардар

5. коло: (02-04.03.2018) Вардар – Битигхајм

6. коло: (09-11.03.2018) Будуќност – Вардар

Како лидери ќе ја започнеме и новоформираната група, со очекувања таму да завршиме и на крајот.

1. Вардар 8 бода

2. Мец 6

3. ФТЦ 4

4. Будуќност 4

5. Битигхајм 2

6. Турингер  0