Познати се термините на одигрување за четвртфиналниот двомеч на ЖРК Вардар во дуелот со Митјиланд. ЕХФ ги потврди термините, кога ќе бидат одиграни двата натпревари. Првиот дуел, на кој Митјиланд е домаќин, ќе се одигра на 6-ти април со почеток од 19 часот, додека осум дена подоцна, или на 14-ти април е закажан реваншот за во С.Ц. Јане Сандански (17:00 часот). Таа недела, Скопје и С.Ц. Јане Сандански ќе биде центар на ракометот, со оглед дека од 13-15-ти април е закажан завршниот турнир во СЕХА-лигата, односно на 13-ти се играат полуфиналните мечеви, додека на 15-ти април на програмата е големото финале. Меѓувремено како што погоре напоменавме и вардарки во истава сала ќе го одиграат реванш мечот во ЛШ, против претставникот од Данска.
Вардар е во потрага по своето петто последователно учество на завршните турнири во Будумпешта, а се надеваме дека ова ќе биде и среќна година за црвено-црните да стигнат до првата Европска титула.