Радичевиќ на пресот на Жрк : Да покажеме дека лани не случајно се најдовме во Ф4

Денешната Пресконференција !

Во пресрет на дуелот во сабота од Лигата на Шампионите денес ЖРК Вардар одржа редовна пресконференција на која ги искажа својте очекувања од престојниот меч . На истата беа присутни Индира Кастратовиќ , Гордана Нацева и преставничка  од ракометарките беше крилото на Црвено-Црните Радичевиќ . Како што ги пренесува клубот на својот сајт дамите изјавија :

Јованка Радичевиќ за мечот со Динамо закажан за сабота во 19-00 Часот во Спортскиот Центар Јане Сандански го пренесе  ставот на вардаровите ракометарки :

„Нам во главите ни е само да победиме. Сакаме едно коло пред крајот љубителите на ракометот во Скопје да уживаат. Да покажеме дека минатата година не случајно се најдовме на Ф4-турнирот. Знаеме колку беше тежок натпреварот во Русија, Динамо има врвни напаѓачи, силни крила и комплетно добра екипа, но верувам дека можеме да победиме. По лошиот старт требаше да покажеме дали заслужуваме да играме четврт-финале. Со Лајпциг и со Крим покажавме кој е газда. Секоја од нас има многу натпревари во нозете и не треба да чувствуваме притисок. Ние сме квалитетна екипа и Динамо треба да биде тој којшто се плаши”

Шефот на стручниот штаб на Вардаровите ракометарки Индира Кастратовиќ потврди дека пикерот Ања Алтхаус ќе биде во комбинација за мечот во Сабота и покрај повредата која ја заработи во вчерашниот меч од супер лигата со тимот на ЖРК Металург одигран во Автокоманда . Таа како тренер на тимот даде свое видување на она што ги очекува девојките во задутрешниот дуел :

“Знаеме дека во сабота имаме исклучително важен меч. Многу луѓе не прашуваат за калкулации, но ние сме екипа која не сака да калкулира. Натпреварот со Динамо ќе биде тежок, но нам сега ни е битно да победиме, а потоа ќе размислуваме на кое место ќе се пласираме. Затоа јас ги молам сите граѓани на Македонија да дојдат, затоа што ова ни е можеби најважен меч во сезоната, од кој зависи нашиот пласман на табелата“ .

Фото:жрквардар.мк