Vardar Fans
Во текот на денешниот ден во С.Ц “Јане Сандански“ се играат натпреварите од финалниот дел во ракометната Вардар Јуниор лигата. Во големото финале за пехарот кај девојките од генерација 2002/2003 се одигра еден навистина одличен и возбудлив дуел. Во истиот екипата на РК Шампион Вардар од Скопје го изненади фаворитот за пехарот РК Делчево Вардар. Скопјанки триумфираа со минимални 14-13.
Натпреварот со два гола за предност од 0-2 го отвори тимот на РК Делчево Вардар, а скопските девојки намалија на 2-1. По 5 минути игра на семафорот сторше нерешени 3-3, по што со мини серија 0-2 делчевки повторно се одлепија овој пат на 3-5. Девојките на РК Шампион Вардар ја посакуваа исто така победата па се обидоа и успеаа да се вратат тие изедначија на 6-6 на 3 минути до крајот. Во последните минути двата тима дадоа по еден гол во противничката мрежа, па на одмор се замина со реми резултат 7-7.
Вториот дел први со гол го отворија девојките на РК Делчево кои веднаш потоа одиграа одлично во одбраната и зголемија и на 7-9. Сепак Шампион повторно тргна да израмни и успеа да изедначи ан 10-10 по 7 минути игра во вториот период од овој натпревар финален кој се играше 2х20 минути. Потоа се играше гол за гол со постојано водство од едне гол на еден тим и изедначување на другиот, На семафорот во Јане Сандански беше 11-11, па 12-12 и на крајот 13-13 во 38 минута од ова женско финале во ракометната вардарова Јуниор лига.
До крајот РК Шампион постигна гол, се одбрани во ситуација на играч помалку и доби напад. Истиот не го реализираше, но сепак титулата беше нивна. Кај победникот Андријана Арсовска даде 5 гола, кај поразените исти учинок имаше Јована Илиевска.
