Вардар СЦЈС триумфално во последниот меч годинава, падна Гевгелија

Избраничките на Симе Симовски го одиграа последниот меч во оваа 2017 година. Девојките по него заминуваат  на заслужен зимски одмор, после кој ќе имаме мечеви на домашна сцена и во Купот Челинџ.

Во последното коло сезонава гостувавме во градот Гевгелија кај истоимената женска ракометна екипа. Нашите девојки од екипата на Вардар СЦЈС триумфираа со 22-29 (10-13). Во првиот дел водевме постојано, сепак Гевгеличанки постојано се доближуваа и ја загрозуваа нашата предност, сакајќи да бидат во постојан резултатски приклучок. Успеавме да се одлепиме минимално и на одмор да идеме со  “три плус„, односно резултат  10-13.
Во второто полувреме домаќинот Гевгелија со два последователни гола  намали на 12-13. Потоа ние со серија 0-3 се одлепуваме на 12-16, тоа  беше прво водство од „плус четири”.  Потоа се тргна во посакуван правец ние само го зголемувавме водството и однесовме победа со  22-29. По ова последно коло овој есенски дел го завршуваме  на второто место на табелата во женската Супер лига.  На пролет играме само едно коло од регуларниот дел и потоа играме плеј-офф.

ВАРДАР СЦЈС: Белмезова (одбрани 8 топки), Прленда 2, Стојанова 7, Трпковска 8, К.Георгиевска, Николовска, Тодоровска, Нолевска 5, Петковска (одбрани 4 топки), Керамичиева, Георгиевска 4, Гичева, Велкова.

Гевгелија: Наумоска, Узунова 2, Мандалова, Беќарова, Чанкуловска 2, Љупова, Јованчева 4, Божинова 3, Ангеловска 2, Шутева 1, Атанасова, Митрова 8.