Friday ,29 March 2024
Последни:
Home > ЖРК Вардар > Андреа Седлоска најдобар стрелец, Мирјана Петковска се запишуваше во листата на стрелци на сите 14 меча за ЖРК Вардар
Андреа Седлоска најдобар стрелец, Мирјана Петковска се запишуваше во листата на стрелци на сите 14 меча за ЖРК Вардар

Андреа Седлоска најдобар стрелец, Мирјана Петковска се запишуваше во листата на стрелци на сите 14 меча за ЖРК Вардар

Младиот состав на ЖРК Вардар кој се натпреварува во женската ракометна лига есенскиот дел од сезоната го заврши на 3.позиција на табелата. Иако млади, избраничките на Симовски, Царчев и Ристова покажаа зрелост и карактер да се носат со било кој противник во најсилната македонска лига. Вардарки и во вториот дел од сезоната ќе продолжат да се борат за што повисок пласман на табелата, а зошто да не и за титулата, таму моментално лидер е Металург, додека второто место е за екипата на Куманово.

Вардар одигра 14 натпревари, на кои забележа 9 победи, 1 нерешен резултат и 4 порази. Што се однесува до нападот успеавме да постигнеме 412 голови или неверојатни речиси 30 по одигран дуел (во просек 29,50 гола по меч). Најдобар стрелец на екипата е  бекот, Андреа Седлоска која успеа да постигне вкупно 62 голови, таа најчесто е задолжена за изведување на ударите од седум метри. Крилото Мирјана Петковска е единствената ракометарка која успеа да се запише во листата на стрелци на сите 14 одиграни мечеви во Лигата, всушност Мими е втора според оваа статистика, додека трета е уште едно крило, тоа е Ивона Трпевска.

Ова се сите играчи, кои успеаа да се запишат во листата на стрелци кај Вардар и да ги постигнат сите 412 голови во првиот дел од сезоната.

1. Андреа Седлоска – 62

2. Мирјана Петковска – 51

3. Ивона Трпевска – 48

4. Милица Николиќ – 40

5. Ана Марија Коларовска – 30

6. Бојана Диневска – 26

7. Ангела Гроздановска – 23

8. Катерина Дамјановска – 20

9. Стефанија Ѓорѓиевска – 18

10. Ангела Костовиќ – 17

11. Ана Марија Божиновска – 16

12. Сара Миновска и Марија Гоцевска по – 15

13. Кети Ангеловска – 10

14. Ивана Џатевска и Ива Јаковчевска по – 9

15. Теодора Стаменкова – 3