Среќен роденден Стаменкова Теодора

Денес својот 16-ти роденден го прославува бекот на ЖРК Вардар, младата и талентирана Теодора Стаменкова. Станува збор за играч кој допрва треба да го каже „главниот збор“, пред кој  доколку се наредат коцките е одлична ракометна иднина. Таа располага со голема храброст при одлуката да бие кон противничкиот гол, испраќајќи луциден удар кон голманот на ривалите.

Теодора беше дел од тимот кој дојде оваа сезона во топ-3 сегментите во младинската конкуренција и Супер лигата. Добиваше помалку шанси, но пред неа е долг пат на кој треба да се очекува да блесне во даден момент. Беше дел од поширокиот список за кадетската репрезентација, каде го мина првото кратење и ги одработи подготовките и тест-дуелите, се до заминувањето во Италија на селекцијата.

Среќен роденден Теодора Стаменкова.