Словачка судиска двојка ќе го суди мечот Букурешт-Жрк Вардар

Европската куќа на ракометот за дуелот од  8 коло од група  фаза-2  од женскиот сегмент на ЕХФ Лигата на шампионките во Букурешт одреди ракометната правда да ја дели судиска двојка од Словачка. Мечот помеѓу ЖРК Вардар и домаќинот ЦСМ Букурешт ќе го судат Петер Бруновски и Владимир Канда.

За ЕХФ делегат е делегиран Дарко Репансе  од Словенија. Мечот е закажан за вторник 16/02/2016 со почеток од 18:00. Овој дуел доживеа презакажување, истиот беше закажан за на 14 февруари, но со измената  ќе се игра  на 16 февруари. Причина за оваа измена е  недостапноста на салата „Поливалента“ каде романскиот преставник во Л.Ш  ЦСМ Букурешт ги игра своите домашни натпревари.