Во текот на денешниот ден во спортската салата “Кале“ се одигра првото пролетното коло во ракометната Вардар Јуниор лига. Во рамки на 7.коло имаше еден дуел кај дамите во генерација 2004 и 2005 година. Во истиот се сретнаа екипите на РК Ново Лисиче Вардар и РК Општина Кисела Вода Вардар-3. Екипата на РК Ново Лисиче дојде до убедлива победа со резултат 23-3 (11-1).
Треба да се напомене дека екипата на Кисела Вода Вардар-3 играше само со пет ракометарки во поле во текот на целиот меч. Очекувано екипата на Ново Лисиче поведе со 5-0 на почетокот, почесен гол Кисела Вода постигна во 7 минута и намали на 5-1. До крајот нова серија 6-0 и на одмор се замина со 11-1 за Ново Лисиче.
Вториот дел започна како што заврши и првиот 11-0 серија за Ново Лисиче, тие поведоа со 22-1. Конечно мал период доминација и на Кисела Вода-3 тие со мини серија од 0-2 намалија на 22-3. Мечот заврши со резултат 23-3. Најдобри стрелци кај победникот беа сестрите Коцеви со по 4 гола, покрај нив 4 гола имаа и Стојановска и Ангелова.