Шанса за одмазда, Вардар утре го пречекува ЖРК Металург во дербито

Девојките на Симовски, Ристова и Царчев  ги очекува дерби дуел во рамки на плеј-офот во женската суперлигашка конкуренција. На гости во “Јане Сандански“ ни доаѓа лидерот на табелата екипата на ЖРК Металург.

Натпреварот се игра, утре, вторник 23.април со почеток во 18 часот и 30 минути.  Вардарки ќе се обидат да дојдат до победа пред паузата поради велигденските и првомајските презници. Триумф во оваа средба ќе ги подигне апетитите и мотивите пред Ф-4 турнирот во Купот на Македонија каде ни е последна прилика за пехар на оваа одлична екипа во сезоната 2018/2019.