Wednesday ,22 November 2017
Последни:
Home > ЖРК Вардар > Втор тим > ЖРК Вардар Јуниор се врати на победите во супер лигата, совладана екипата на Деспина
ЖРК Вардар Јуниор се врати на победите во супер лигата, совладана екипата на Деспина

ЖРК Вардар Јуниор се врати на победите во супер лигата, совладана екипата на Деспина

Екипата на ЖРК Вардар Јуниор се врати на победите во супер -лигата, откако во С.Р.Ц. Кале ја победи екипата на Деспина од Прилеп.

Заслужена победа за младите Вардарки, кои во најголем дел од натпреварот имаа водство. Започнавме со предност од 2:0, за во 7 минута да имаме и највисок пет голови разлика (7:2). Добро игравме на стартот од мечот, каде функционираше добро нашата одбрана. Како одминуваше првото полувреме игравме се подобро, а противникот немаше одговор за нашата игра, така во еден момент имавме и високи седум гола предност (13:6). До крајот на првото полувреме, гостинската екипа успева да го намали резултатот и на одмор да се замине со резултат 16:11.

Лошо започна вториот дел за Вардар Јуниор кој му дозвои на противникот на стартот да направи серија од 0:4 и да намали на само еден гол негатива (16:15). Грешките во нашата игра немилосрдно ги казнуваше противникот, кој дури и успева да поведе со 18:19. Сепак последните 12 минути им припаднаа на Вардарки, кои при нерешен резултат од 20:20 псотигнаа осум голови, а дозволија да примат само еден, за на крајот да славиме дури и убедливо со резултат 28:21.

Најефикасна кај Вардар беше левото крило, Анастасија Николовска која постигна 6 гола, додека Милица Николиќ додаде 5.

РК Вардар Јуниор: Илиќ, Реџеп, Николовска 6, Петковска, Карчева, Стефановска, Кицеска, Вељановска 1, Станиќевска 1, Трпевска 4, Георгиевска, Диневска, Божиноска 4, Гичевска 4, Иванова 3, Николиќ 5.