Вардар поразен кај Чаир, кадетката Стефаноска со 7.гола покажа дека треба да се смета на неа

Големиот број на дерби дуели за краток временски период го зема својот данок, заморот кај нашите девојки е евидентен. ЖРК Вардар за 5-6.дена одигра три меча со водечките три конкурента за врвот. Денес гостувавме кај екипата на Чаир која не совлада со пресврт во вториот дел. Тие триумфираа со 30-28, ние на полувреме имавме предност од 12-15.

.

Ние поведовме со 0-1 и 1-2 на почетокот, домаќинот успеа да направи пресврт и да поведе. Тие имаа предност со 10-6 контролирајќи го мечот во тој период од дуелот. Во последната третина од првиот дел успеавме да смогнеме сили и да направиме пресврт. Најпрвин изедначивме на 11-11 со серија 1-5, потоа успеавме да заминеме на одмор со „капитал“ од три гола. За време на паузата беше 12-15.

>
Трите гола предност ги задржавме и во вториот период, игравме игра гол за гол со која ја одржуваме разликата. Успеавме да поведеме со 16-20, потоа дојде до криза во нашата игра. Домаќинот беше во налет и успеа да изедначи на 22-22. Ние и понатака се боревме поведуваме, тие изедначуваа, па презимаа водство, ние се враќавме на реми. Но ривалот успеа повторно да ја преземе иницијативата во финишот и победи со 30-28.

Во нашите редови прв стрелец беше девојката која дојде од кадетскиот тим, Сара Стефаноска (15години) со седум гола. Галевска погоди 6 пати, Дамјановска имаше 4.гола, по три пати успешно во мрежата на ривалот погодија Костовиќ и Ѓорѓиевска.
Двете голманки на црвено-црните, Грујовска и Илиќ впишаа по пет интервенции.