Вардар гостува кај Овче Поле во сабота

По паузата поради настапите на Македонската А-селекција во баражот за Светското првенство продолжуваат возбудувањата во женската Супер ракометна лига.  Црвено-црните девојки ќе гостуваат  во  Свети Николе во салата „Цар Самоил“.

ЖРК Вардар е гостин кај тимот на Овче Поле СУ, мечот ќе се игра  задутре, сабота 24.април. Дуелот е закажан со почеток во 16:00 часот.  Судии на овој дуел кој е напревар од 19.коло во оваа сезона,  делегирани се скопјаните: Благоја Кимовски  и Блаже Михајлов.

Вардар заминува како  фаворит на ова гостување, ние сме на 3.позиција (43.бода), ривалот е на табелата на 9.позиција со само 15.бода. На есенскиот дуел во „Јане Сандански“ во Скопје со истата екипа бевме убедливи и победивме со високи 40:19, на таа средба  блесна Миновска Сара со 8 гола која  погодуваше со 100% ефикасност, од 8 удара имаше 8 гола. Јаковчевска Ива  постигна 6 гола колку и Дамјановска Кате, Фани Ѓорѓиевска даде 5. гола. Трајкоска Јована  имаше 47% сопрени топки (7/15), а Илиќ имаше 42% (8/19).