Vardar Fans
ЖРК Вардар го „разнесе“ во дербито Чаир, дуел кој беше клучен за 3.позиција на табелата. По оваа победа сме на плус седум од нив, и ги напаѓаме Металург и Куманово за врвот. Девојките на Ристова и Царчев победија со дури 19 гола повеќе, на крајот беше 39-20.
Вардарки први поведоа, по одбрана на Трајкоска во напад стрелаше силно Михаела Стојановска за 1-0. Чаир направи баланс и изедначи на 2-2, од тој момент до крајот на дуелот они немаа поволен резултат. Набрзина со серија 3-0 преку, Ѓорѓиевска, Стојановска и Галевска заедно со одбранет пенал на Илиќ која влезе од клупата поведовме со 5-3. Успеавме со одлична игра да ја удвоиме предноста и поведовме со 4 гола, преку Дамјановска која погоди за 11-7 во 16.минута. Прв пат водевме со 6 плус (14-8) во 20.минута по одбрана на Трајкоска имавме брза транзиција, атрактивно погоди Ивана Џатевска со маестрален пад. Вардарки беа далеку подобри во поле, играа одлична одбрана, голманите беа на ниво. Во 28.минута со голот на Галевска отидовме на високи осум плус (18-10), на одмор заминавме со резултат 19-11.
Фуриозно влеговме во вториот дел, веднаш отидовме на двоцифрена предност, на гол одбрани впиша Илиќ, па по 5.минути игра со голот на најмладата во тимот Сара Стефановска поведовме со 26-13. Бевме како ураган, во 43.минута по три одбрани на ново влезената Грујовска, маестрално погоди Сара Миновска за 17.позитива (33-16), Чаир беше целосно деморализиран од црвено-црната машинерија. Одбраната беше жестока, Грујовска неприкосновена, па гостинките немаа што да бараат. Сите одигаа на ниво, девојките кои добиа шанса од клупата: Попова, Лазарова и Василева ја оправдаа довербата со перфектен настап. Неверојатните 39-20 на крајот стоеше на семафорот.
Кога сме кај најуспешните, Грујовска покажа дека навистина влегува во репрезентативна форма, за 17.минути (1.одбрана ја имаше во 41, последната во 58.минута) имаше двоцифрен ефект, 11.одбрани таа сопре неверојатни 65% упатени удари кон неа. Сите голманки имаа вкупно 21 одбрана односно над 51% сопрени удари. На овој меч 5-ки имаа, Илиќ Андреа, Галевска Марија, Јована Трајкоска, Трпевска Ивона и капитенот Диневска Бојана. Одличен дуел имаа и Стојановска Михаела и Катерина Дамјаноска кои стрелаа по 4.пати.
