Tuesday ,28 May 2024
Последни:
Home > ЖРК Вардар > Втор тим > ЖРК Вардар СЦЈС убедливи на гостувањето во Прилеп
ЖРК Вардар СЦЈС убедливи на гостувањето во Прилеп

ЖРК Вардар СЦЈС убедливи на гостувањето во Прилеп

Нова рутинска победа за екипата на ЖРК Вардар СЦЈС на натпревар од најсилната супер лига. Младите Вардарки гостуваа на Прилеп кој го совладаа со резултат 17:45.

Интересно натпреварот започна со гол на Прилеп за водство од 1:0, за во следните минути да следи серија на Вардар од 0:7 за да има предност од 1:7. Како одминуваше првото полувреме, предноста се повеќе растеше во корист на нашите девојки. Одбраната функционираше беспрекорно, а брзите контра-напади ни овозможуваа постигнување на лесни голови. Избраничките на Симовски имаа и предност од 3:12, за во лседните пет минути да стигнеме до двоцифрена предност од 4:14. Оваа разлика ја одржувавме до крајот на првите 30 минути, кога резултатот на семафорот гласеше 10:21.

И во вториот дел, првиот гол им припадна на домашниот тим за намалување на 11:21, но врати Вардар со два погодоци во серија за зголемување на резултатот на 11:23. Прилеп се обидуваше да даде отпор на нашиот состав, во еден момент намали на 13:24, за црвено-црните со нова серија од 0:5 да стигнат до највисоки 13:29. Секогаш кога Прилеп ќе намалеше, Вардарки враќаа со серија од неколку последователни голови. Така беше и при резултат 16:32, кога следеше нов бран од голови, за веќе големо водство од 16:41. Последните пет минути беа релаксирачки за Вардар, кој уште повеќе го зголеми резултатот, за конечни 17:45.

Најефикасни во нашиот состав беа Маја Трпковска со 11 и Наташа Нолевска со 8 голови.

Вардар СЦЈС: Белмезова, Прленда 2, Стојановска 2, Ѓеоргиевска 4, Митова 6, Бојаџиска 1, Тодоровска 2, Нолевска 8, Станиќевска 3, Петковска, Георгиевска 2, Мишевска 1, Трпковска 11.