Жрк Вардар Јуниор утре гостува во Прилеп

Нашиот помлад женски состав во суперлигашката конкуренција, Жрк Вардар јуниор  утре ќе гостува во Прилеп кај истоимената женска ракометна екипа. Овој  дуел за избраничките на селекторот на A-селекцијата на Македонија и кормилар на младите вардарки Симе Симовски е меч  во рамките на 8.коло од единствената женска ракометна лига во нашата земја.

Нашите девојки се фаворитки на дуелот кај ЖРК Прилеп кој по одиграни 7 кола има 3 победи и се наоѓа на 4-та позиција на табелата во “Скопско супер лигата“. Младите Вардарки имаат максимални 18 бода на одиграните за нив досега 6 меча и се на делбата на првите две позиции со екипата од скопската населба Автокоманда, но тимот на Металург има одиграно еден меч повеќе од црвен0-црните досега.

Девојките оваа недела го дознаа и својот противник во 1/8финалниот двомеч во Челинџ купот, тоа е српскиот преставник ЖРК Минаква Војводина. Нашите девојки одлично тргнаа во овој европски куп каде со двете победи над Лондон во 3.коло обезбедија место во 1/8 финалната пресметка.