Vardar Fans
Жрк Вардар јуниор одигра реми на првиот од двата тест-мечеви со грчки ПАОК. Резултатот по 60 минути игра беше 27-27, а тој на полувреме изнесуваше 15-13. За разлика од вчерашниот, денешниот меч од 12:30 часот кој се игра во малата сала во СЦ „Јане Сандански” ,ќе биде достапен за гледачите а влезот е бесплатен.
Жрк Вардар јуниор имаше иницијатива и водство речеси цел меч, но овој дуел двата тренери го искористија за подобро воигрување и испробување на нови варијанти во играта. Овој пријателски двомеч е закажан од причина што гостинскиот грчки тим има потреба од спаринг партнери, со цел да има повеќе квалитетни натпревари бидејќи се бори за титулата во домашното првенство каде сега е второпласиран. Нашиот ЖРК Вардар јуниор се обидува да ја одржува формата со играње на силни натпревари, со различни ривали бидејќи следат предизвиците од Челинџ купот. Најдобри поединци кај црвено – црните девојки беа : Наташа Нолевска со 7 погодока, Ангела Тодоровска постигна 6 гола , а Симона Стојановска 5 пати ја тресеше мрежата на гостинките од ПАОК.
