Vardar Fans
Викендов нов предизвик во домашната женска Супер лига ги очекува девојките на Симе Симовски, младите вардарки од тимот на Вардар Јуниор. Тие ќе се сретнат во овој 21ви дуел за нив сезоната во единствената женска ракометна лига со тимот на ЖРК Пелистер.
Вардарки се домаќини на овој натпревар кој ќе се одигра утре, сабота, 31.март во Скопје. Победа во овој дуел ќе не оддржи во битката за втората позиција на која атакуваме, за истата претенденти покрај нас се и уште три тима меѓу кој и зелено-белите девојки од Битола. Последен дуел кој го одиграваа избраничките на Симовски беше тој со постариот тим на Вардар во кој сосема очекувано забележаа пораз од најдобриот тим во земјава. Утрешниот натпревар се игра со почеток во 18-00 часот.
